لوک سبھا اسپیکر اوم برلا نے ایوان میں ضابطہ 193 کے تحت کووِڈ۔19 وبا کی صورتحال پر بحث شروع کروانے سے پہلے اراکین سے ایک جذباتی اپیل کی۔
انہوں نے کہا کہ کووِڈ۔19 انسانیت کے سامنے ایک چیلنج ہے۔ ہم بھی اس کورونا وائرس سے متاثر ہونے کے غیر معمولی حالات سے گذر رہے ہیں۔ جب جب ملک پر کوئی بحران آیا ہے، اس ایوان نے ملک کو نئی راہ دکھائی ہے۔
مخصوص حالات میں منعقد پارلیمنٹ کے اس سیشن سے عوام کو بڑی امیدیں ہیں۔ صحت کی حفاظت کو خطروں کے باوجود بڑی تعداد میں اراکین کے پارلیمنٹ آنے سے ایک مثبت پیغام گیا ہے۔
انہوں نے کہا کہ اس موضوع پر مثبت اور معنیٰ خیز بحث ہو۔ بحث کا واحد مقصد یہ ہو کہ اس وبا سے ملک کے باشندوں کی صحت حفاظت کا کوئی حل نکلے۔ یہ کام باہمی رابطہ کاری سے ہو پائے گا۔
ایوان میں حذب اقدار اور حذب مخالف میں معنیٰ خیز بحث اور معنیٰ خیز تنقید سے مرکز اور ریاستوں کو جہت ملتی ہے کہ وہ کیسے محفوظ ماحول بنائیں۔
مسٹر برلا نے کہا کہ انہوں نے لاک ڈاؤن کے دوران کئی اراکین سے فون پر بات کی اور پایا کہ تمام اراکین محروم، غریب اور ضرورت مند عوام کی مدد کے لیے مثبت شراکت داری میں سرگرم تھے۔ لہٰذا وہ ہر کسی کا شکریہ ادا کرتے ہیں۔
انہوں نے کہا کہ بحث میں تمام اراکین اپنے اپنے علاقوں میں جو مثبت حصہ داری کی ہے، اس کا بھی ذکر کریں تاکہ اس سے دوسرے لوگوں کو تحریک ملے۔
