ملک میں ریاست آسام سے لیکر کرناٹک تک متنازعہ شہریت ترمیمی ایکٹ، قومی شہریت رجسٹر اور قومی آبادی کے اندراج کے خلاف احتجاجی مظاہرے مسلسل جاری ہیں، جبکہ مرکزی حکومت اتنے احتجاج کے باوجود بھی اپنے فیصلوں کو واپس لینے کے موڈ میں نہیں ہے۔
ایسے میں ملک بھر کے طلباء نے حکمراں جماعت کے خلاف محاذ کھولا ہوا ہے اس کے علاوہ حزب اختلاف کی سیاسی جماعتیں اور سماجی کارکنان بھی حکمراں جماعت کے خلاف کھڑے ہیں۔
اب سماجی کارکن یوگیندر یادو نے بھی ایک منفرد طریقہ سے مرکز میں بیٹھے حکمرانوں کے خلاف اپنی مہم چھیڑ دی ہے.
انہوں نے ایڈمک ویڈیو شیئر کیا ہے جس میں وہ ایک پلے کارڈ پر لکھے نمبر پر مس کال کرنے کی درخواست کر رہے ہیں، جن کا انداز التجا بھی نہایت خوب ہے۔
اس ویڈیو میں وہ یہ کہتے ہیں کہ یہ نمبر کسی نیٹفلکس کے فری سبسکرپشن کا نہیں ہے نا اس نمبر سے کوئی آئی فون ملنے والا ہے نا ہی یہ نمبر کسی لڑکی کے ساتھ آپ کو ڈیٹ پر لے جائے گا اور نہ ہی اس سے آپ کو کچھ پیسہ ملے گا، بلکہ یہ نمبر تو شہریت ترمیمی ایکٹ (سی اے اے)، قومی شہریت رجسٹر (این آر سی)، قومی آبادی کے اندراج (این پی آر) کے خلاف آواز اٹھانے کے لیے ہے، جو نمبر اپنے دل کی آواز سننے کا ہے، کیوں کہ یہ ملک ہمارا ہے اور ہم ہی اس کے ذمہ دار ہیں۔
واضح رہے کہ جو نمبر یوگیندر یادو بتارہے ہیں وہ 7787060606 ہے، اس نمبر کے بعد یوگیندر یادو کہتے ہیں 'آپ ہیں آپ کا ملک ہے آپ کی زمہ داری ہے'۔
