قابل ذکر ہے کہ پارلیمنٹ میں وزیردفاع راجناتھ سنگھ کی جانب سے مشرقی لداخ کی صورتحال پر بیان دیے جانے کے بعد راہل گاندھی نے ایک پریس کانفرنس میں اس معاہدے کے حوالے سے پانچ سوال اٹھائے اور الزام عائد کیا کہ مودی حکومت نے اپنی زمین دے دی ہے۔
وزارت دفاع نے راہل گاندھی کی جانب سے اٹھائےگئے سوالوں کا سلسلہ وار ڈھنگ سے جواب دیتے ہوئے جمعہ کے روز کہا کہ اس معاہدے کے تحت ہندوستان نے کوئی زمین نہیں دی ہے۔ اس کے برعکس اس نے ایل اے سی پر نگرانی اور اس کی پاکیزگی قائم رکھنے پر زور دیا ہے اور اسٹیٹس کو میں تبدیلی کی کوششوں کو روکا ہے۔
