دہلی کے سماجی فلاح وبہبود کے وزیر راجندر پال گوتم نے آج ایک پروگرام کے دوران کہا کہ دہلی حکومت ملک کی کسی بھی دیگر ریاست کے مقابلہ میں اپنے بزرگ شہریوں کو سب سے زیادہ پنشن دیتی ہے۔
گوتم نے سماجی فلاح وبہبود محکمہ کے حکام کے ساتھ آج عالمی یوم بزرگ منایا۔ انہوں نے کہا کہ دہلی حکومت بھارت کی کسی بھی دیگر ریاست کے مقابلہ میں اپنے بزرگ شہریوں کو سب سے زیادہ پنشن دیتی ہے۔
یہ بھی پڑھیں: عالمی یوم بزرگ: ’لوگوں میں معمر افراد کے تئیں احساس ختم ہورہا ہے‘
واضح رہے کہ عمر رسیدہ افراد کے زندگی کو خوشگوار بنانے کے لیے یکم اکتوبر کو عالمی یوم بزرگ منایا جاتا ہے تاکہ عوام کو ان کی عزت و احترام اور ضرورتوں کا احساس دلایا جائے۔
اقوام متحدہ کی جنرل اسمبلی کی 14 دسمبر 1990 کے قرار داد کے مطابق ہر سال یکم اکتوبر کو عالمی یوم بزرگ منایا جاتا ہے۔
