دراصل دارالحکومت دہلی میں 71 لاکھ راشن کارڈ ہولڈرز کو ریاستی حکومت نے مفت راشن تو تقسیم کر دیا، لیکن اسے پسوانے کے لیے کوئی خاطر خواہ اقدامات نہیں کیے جس کی وجہ سے عوام تو پریشان ہے۔ اس کے ساتھ۔ ساتھ مل مالک بھی کافی پریشان ہیں۔
ایسے ہی ایک مل مالک سے ای ٹی وی بھارت کے نمائندے نے بات کی، جس میں مل مالک نے اپنا دکھڑا سناتے ہوئے کہا کہ ایک طرف تو ہم اپنی جان پر کھیل کر اپنے گھروں سے مل تک پہنچتے ہیں تو دوسری طرف عوام بھی ان کے ساتھ بدکلامی کرتی ہے۔
انہوں نے مزید کہا کہ ساری غلطیاں حکومت کرے اور سزا ہم بھگتیں یہ کیسا قانون ہے؟ نہ دہلی حکومت ہمیں کرفیو پاس دے رہی ہے اور نہ ہی عوام سوشل دسٹینسنگ سمجھ پر عمل کر رہی ہے۔
مل مالک نے کہا کہ عوام کی گالیاں بھی ہم ہی سنے اور پولیس کے ڈنڈے بھی ہم ہی کھائیں اور کورونا وائرس جیسی خطرناک بیماری سے اپنے آپ کو اور اپنے اہل خانہ کی جان کو بھی ہم ہی جوکھم میں ڈالیں۔
