قومی دارالحکومت میں انڈین میڈیکل ایسوسی ایشن کے جوائنٹ میڈیکل ڈاکٹر انل گوئل نے ای ٹی وی بھارت کو بتایا کہ میڈیکل کونسل آف انڈیا کے جاری کردہ رہنما ہدایات کے مطابق اگر کوئی مریض ڈاکٹر کے پاس نہیں آسکتا یا وہ کافی دور ہے تو ایسی صورت میں ڈاکٹر سے ویڈیو کال یا آن لائن اپنے علاج کے بارے میں معلومات حاصل کر سکتا ہے۔
واضح رہے کہ کورونا وائرس کے اس دور میں ڈاکٹرز اور ہسپتالز پر مریضوں کا بوجھ بڑھ گیا ہے۔ ایسی صورتحال میں زیادہ تر ڈاکٹر مریضوں کا علاج آن لائن یا ویڈیو کال کے ذریعے بھی کررہے ہیں۔
اسی کے ساتھ ہی میڈیکل کونسل آف انڈیا نے یہ ہدایات بھی جاری کی ہیں کہ کن حالات میں آن لائن یا ویڈیو کال کے ذریعے مریض کا علاج کیا جاسکتا ہے۔
انہوں نے کہا کہ اس کے ساتھ اگر ڈاکٹر کی زیادہ ضرورت ہو تو وہ ڈاکٹر مریض کے قریبی ڈاکٹر کو علاج کی صلاح دے سکتا ہے۔
اس کے علاوہ اگر مریض پہلے ہی ہسپتال یا ڈاکٹر کے ذریعے علاج کروا رہا ہے لیکن موجودہ صورتحال کی وجہ سے وہ ڈاکٹر کے پاس جانے سے قاصر ہے تو فولو اپ کیس کے لیے بھی ڈاکٹر ویڈیو کال یا آن لائن کے ذریعے مزید علاج کے لیے مریض کو مشورہ دے سکتا ہے۔
ڈاکٹر انل گوئل نے کہا کہ اس وقت ہم زیادہ تر جو کورونا سے پہلے سے علاج کرارہے ہیں ان مریضوں کو وہ آن لائن ہی دیکھ ریکھ رہے ہیں، اور ان فالو اپ مریضوں کا علاج آن لائن یا صرف ویڈیو کال کے ذریعے کیا جا رہا ہے۔
ڈاکٹر نے کہا کہ اس وقت یہ ضروری ہے کہ مریض زیادہ سے زیادہ ہسپتالوں تک پہنچنے سے گریز کریں۔
