کانگریس نے بااعتماد رہنما ملکارجن کھڑگے کو راجیہ سبھا میں غلام نبی آزاد کی جگہ اپوزیشن رہنما بنانے کا فیصلہ کیا ہے اور اس سلسلہ میں ایوان بالا کے صدرنشین ایم وینکیا نائیڈو کو ایک مکتوب بھی روانہ کیا گیا۔
وینکیا نائیڈو کو روانہ کئے گئے مکتوب میں بتایا گیا کہ غلام نبی آزاد کی جگہ کھڑگے کو اپوزیشن کا رہنما مقرر کیا جائے جبکہ غلام نبی آزاد کی راجیہ سبھا کے رکن کی حیثیت سے معیاد 15 فروری کو ختم ہو رہی ہے۔
واضح رہے کہ جموں و کشمیر سے ایوان بالا میں نمائندگی کرنے والے غلام نبی آزاد کی میعاد میں اس لیے توسیع نہیں ہوسکتی کوینکہ اب ریاست میں اسمبلی باقی نہیں ہے۔ دفعہ 370 کی تنسیخ کے بعد مرکز نے جموں و کشمیر کو مرکز کے زیرانتظام علاقہ بنادیا ہے۔
