راجیہ سبھا کے چیئرمین نائیڈو نے خواتین کے عالمی دن کے موقع پر سوشل نیٹ ورکنگ ویب سائٹ فیس بک پر جاری ایک مضمون میں کہا ہے کہ پارلیمنٹ اور ریاستی قانون ساز اداروں میں خواتین کو مناسب ریزرویشن دیا جانا چاہئے۔ اس سے ان کے تجربے کا استعمال قوم کی تعمیر کے لیے کیا جا سکے گا۔
انہوں نے کہا ’’ایک دیگر موضوع جس کی طرف میں توجہ دلانا چاہتا ہوں، وہ ہے پارلیمنٹ اور صوبائی قانون ساز اداروں میں خواتین کو مناسب ریزرویشن کی فراہمی۔ خواتین کی نمائندگی جتنی زیادہ ہوگی، اتنا ہی ہمیں جامع نقطہ نظر کا فائدہ مل سکتا ہے، جس سے قوم کی جامع ترقی ہوگی‘‘۔
نائب صدر نے کہا ’’خواتین کے اس عالمی دن پر یہ عہد کریں کہ خواتین کو کامیابی کی جانب اونچی اڑان بھرنے کی آزادی دیں گے۔ انہیں کامیاب ہونے کی ہر آزادی دیں گے۔ خواتین کے اس عالمی دن پر خواتین کو تعلیم یافتہ بنائیں، حوصلہ افزائی کریں اور عہد کریں کہ ان کے خلاف ہر قسم کے تشدد اور ہر طرح کے استحصال کا خاتمہ کریں گے‘‘۔
اس خواتین کے اس عالمی دن پر ہم یہ یقینی بنائیں کہ ہمارے آس پاس کی ہر خاتون کو برابر موقع ملے۔ ان کی آواز سنی جائے، انہیں نظرانداز نہیں کیا جائے۔ خواتین کے اس عالمی دن پر یہ یقینی بنائیں کہ ہمارے آس پاس ہر خاتون محفوظ محسوس کرے نہ کہ ڈر و خوف۔
