تمام زونل ریلوے نے اس سلسلے میں اقدامات کرنے کے لیے کہا ہے۔ خاص بات یہ ہے کہ اس بار ایڈوانس ریزرویشن کو روکنے کے بارے میں بھی ہدایات دی گئی ہیں۔
ناردرن ریلوے سے وابستہ ایک سینیئر عہدیدار نے بتایا کہ 'لاک ڈاؤن میں توسیع کے بعد یہ بات کافی حد تک واضح ہوگئی ہے کہ ٹرین خدمات شروع نہیں کی جائیں گی۔
حالانکہ اس بار ٹکٹ ریزرویشن پر بھی روک لگانے کے لیے کہا گیا ہے۔ جس کے لیے زون کے مسافر ریزرویشن سسٹم کو احکامات ارسال کیے جارہے ہیں۔
عہدیدار کے مطابق جن لوگوں نے بُکنگ کی تھی ان کے پیسے واپس کردیے جائیں گے۔ اس کے لیے تمام قواعد جو پہلے بنے تھے ان پر عمل کیا جائے گا۔
انہوں نے کہا کہ مال بردار اور پارسل ٹرینوں کی آمد و رفت جاری رہے گی۔
واضح رہے کہ اس سے قبل ناردرن ریلوے نے 15 اپریل سے ٹرینیں چلانے کی تیاریاں مکمل کرلی تھیں۔ بہت سی مسافر ٹرینوں میں گنجائش سے زیادہ بکنگ تھی۔ حالانکہ اب یہ سب واپس کردیئے جائیں گے۔ مزید احکامات تک ٹرینوں میں بکنگ کا کام نہیں کیا جائے گا۔
