اروند کجریوال کی '10 گارنٹی' انتخابی منشور سے الگ ہوں گی۔ کیجریوال کی 10 گارنٹی میں میں جگمگاتی دہلی سے لیکر کچی کالونیوں کو بنیادی سہولیات مہیا کرانے کی گارنٹی بھی شامل ہے۔
اروند کیجریوال کی ان دس گارنٹی اسکیم میں 24 گھنٹے بجلی، صاف پانی، بہتر تعلیمی نظام، مفت علاج اور صحت مند رہنے کے لیے صاف آب و ہوا کا وعدہ کیا ہے۔
اروند کیجریوال نے فری بجلی سکیم کے تحت 24 گھنٹے مسلسل بجلی دیے جانے کا وعدہ کیا ہے، جس میں 200 یونٹ بجلی مفت دی جائے گی۔
اروند کیجریوال نے وعدہ کیا ہے کہ سب کو پینے کے لیے صاف شفاف پانی مہیہ کرانے کی ذمہ داری ان کی ہے اور 20 ہزار لیٹر پانی ان کی حکومت مفت دینا جاری رکھے گی۔
دہلی کے ہر ایک طالب علم کو گریجویشن تک مفت تعلیم دلانے کی ذمہ داری اروند کیجریوال نے لی ہے۔
اس کے علاوہ دہلی حکومت دہلی کے ہر ایک خاندان کو بہتر اور مفت علاج دینے کا بھی وعدہ کر رہی ہے۔
ٹرانسپورٹ کے میدان میں بھی دہلی حکومت نے گارنٹی دی ہے کہ وہ میٹرو کے نیٹ ورک کو بڑھا کر 500 کلومیٹر کریں گے ساتھ ہی خواتین کے ساتھ ساتھ طلباء کو بھی مفت سفر کا تحفہ ان کی حکومت دے گی۔
دہلی کی آب و ہوا کو صاف کرنے کے لیے کیجریوال حکومت دو کروڑ درخت لگانے کا وعدہ کر رہی ہے۔
دہلی کو ورلڈ کلاس شہر بنانے اور گلی محلوں کو گندگی سے پاک کرنے کی بھی ذمہ داری کیجریوال نے ہی ہے۔
دہلی کی عوام کو محفوظ رکھنے کے لیے کیمروں کے علاوہ محلہ مارشل تعینات کرکے ان خواتین کی حفاظت کی ذمہ داری بھی کیجریوال نے لی ہے۔
کچی کالونیوں میں تمام بنیادی سہولیات کی فراہمی کی گارنٹی بھی کیجریوال نے لی ہے۔
جہاں جھگی وہیں مکان کے نام سے غرباء و مساکین کے لیے پکے مکان کی گارنٹی دہلی حکومت نے لی ہے۔
