دارالحکومت دہلی کے کڑکڑ ڈوما کورٹ نے شمال مشرقی دہلی تشدد کے معاملے کے ملزمین اور پنجڑا توڑ تنظیم کی کارکن نتاشہ نروال اور دیوانگنا کلیتا کی ضمانت کی درخواست مسترد کردی ہے۔
ایڈیشنل سیشن جج امیتابھ راوت نے دونوں ملزمین کی ضمانت کی درخواست مسترد کرنے کا حکم دیا۔ سماعت کے دوران دونوں ملزمین کی طرف سے وکیل ادت ایس پجاری نے کہا کہ اس معاملے میں جارج شیٹ داخل ہو چکی ہے اور جانچ بھی مکمل ہو چکی ہے۔ اس لیے دونوں کو حراست میں رکھنے کا کوئی مطلب نہیں بنتا ہے۔
وہیں انہوں نے دہلی پولیس کی اس دلیل کی بھی مخالفت کی کہ دونوں ملزم وہاٹس ایپ پر انڈیا اگینسٹ ہیٹ گروپ کے ممبر تھے۔ اس معاملے میں 10 ملزمین کے خلاف معاملہ درج کیا گیا ہے جس میں 2 جون کو جارج شیٹ دائر کی گئی ہے۔
سماعت کے دوران دہلی پولیس نے کہا کہ دونوں ملزم غیر قانونی بھیڑ کا حصہ تھے جس کی وجہ سے شمال مشرقی دہلی میں فسادات رونما ہوئے تھے۔ دہلی پولیس نے کہا کہ اس معاملے میں ایک گواہ ہے جس نے ملزمین کے کردار کو قبول کیا ہے لیکن اس ملزم کے نام کو ظاہر نہیں کیا گیا ہے تاکہ اس کی حفاظت کی جاسکے۔
دہلی پولیس نے کہا کہ دونوں ملزمین عمر خالد کے ساتھ وہاٹس ایپ گروپ پر انڈیا اگینسٹ ہیٹ کے ممبر تھے۔ سماعت کے دوران عدالت نے دہلی پولیس کی دلیل کو خارج کر دیا کہ نتاشہ نروال کرائے کے مکان میں رہتی ہیں۔ اس لیے انہیں ضمانت پر رہا نہیں کیا جانا چاہیے۔
