کہا جارہا ہے کہ آنے والے دنوں میں راجیہ سبھا انتخابات کے لیے پارٹی امیدواروں کے ناموں پر کمل ناتھ پارٹی کے اعلی رہنماؤں سے بات چیت کریں گے۔
واضح رہے کہ مدھیہ پردیش میں راجیہ سبھا کی تین سیٹیں ہیں اور 13 مارچ سے پرچۂ نامزدگی داخل کرنے کا آغاز ہوجائے گا اور 26 مارچ اس کی آخری تاریخ ہوگی۔
امکان ہے کہ ریاست کی تین میں سے دو سیٹوں پر کانگریس کی فتح ہوسکتی ہے جس کے لیے ممکنہ طور پر کانگریس کے سینیئر رہنما دگ وجئے سنگھ اور سابق مرکزی وزیر جیوتی رادتیہ سندھیا کو امیدوار بنایا جاسکتا ہے۔
غور طلب ہے کہ مدھیہ پردیش میں گزشتہ چند روز سے سیاسی اتھل پتھل جاری ہے اور ایسے وقت میں ان کا یہ دورہ کافی معنی رکھتا ہے کیونکہ ریاست میں کانگریس کی حکومت برقرار رکھنے اور راجیہ سبھا کی دو سیٹوں پر فتح کے لیے کانگریس کو مظبوط حکمت عملی کی ضرورت ہوگی۔
