جے این یو میں تعلیمی سیشن 2020-21 کے لئے داخلہ امتحان 5 اکتوبر سے 8 اکتوبر تک ہوگا۔ اس دوران طلباء امتحان کی تاریخ کے بارے میں سوالات اٹھا رہے تھے۔ اسی کے ساتھ ہی یونیورسٹی انتظامیہ کی جانب سے ایک نوٹس بھی جاری کیا گیا ہے۔ جس میں ایم فل پی ایچ ڈی کے طلباء کو ریلیف دیا گیا ہے۔
جے این یو داخلہ امتحان سینٹر کے لئے ایم فل-پی ایچ ڈی کے طلبا کو راحت دی گئی ہے۔
واضح رہے کہ جے این یو کی جانب سے ایم فل اور پی ایچ ڈی پروگراموں کے بارے میں جاری کردہ نوٹس میں کہا گیا ہے کہ ان دونوں مضامین کے لئے ایک ہی سوالیہ پیپر جاری کیا جائے گا۔
یہ بھی پڑھیں: راجناتھ سنگھ کا افتتاحی تقریب سے قبل 'اٹل ٹنل' کا دورہ
ایسے میں اگر کسی درخواست دہندہ نے ایک ہی مضمون کے لئے ایم فل اور پی ایچ ڈی کے امتحان کے لئے اندراج کروایا ہے اور اس کے لئے دو مختلف امتحانی مراکز الاٹ کردیئے گئے ہیں۔ تو اس طالب علم کو کسی ایک امتحانی مرکز میں امتحان دینے کی اجازت دے دی گئی ہے۔
واضح رہے کہ اس سال 135462 طلباء نے جے این یو میں داخلے کے لئے درخواست دی ہے، جو آج تک کی سب سے زیادہ تعداد ہے۔ وہیں گزشتہ سال 1 لاکھ پانچ ہزار طلباء نے درخواست دی تھی۔
