دہلی کی ایک خصوصی عدالت نے منگل کے روز سابق مرکزی وزیر دلیپ رے کو 1999 میں جھارکھنڈ میں کوئلہ بلاک مختص کرنے میں بے ضابطگیوں سے متعلق کوئلہ گھوٹالہ معاملے میں مجرم قرار دیا ہے۔
خصوصی جج بھارت پراشر نے اٹل بہاری واجپائی کے دور حکومت وزیر مملکت برائے کوائلہ رہے دلیپ رے کو مجرمانہ سازش اور دیگر جرائم میں قصوروار قرار دیا ہے۔
یہ بھی پڑھیں: کیا بی جے پی ایل جے پی کو استعمال کررہی ہے؟
عدالت نے وزارت کوئلہ کے سینئر عہدیداروں پردیپ کمار بنرجی اور نیتیا نند گوتم، کیسٹرون ٹیکنالوجی لمیٹڈ (سی ٹی ایل)، اس کے ڈائریکٹرز مہندر کمار اگروال اور کیسٹرون مائننگ لمیٹڈ (سی ایم ایل) کو بھی مجرم قرار دیا۔
وہیں عدالت 14 اکتوبر کو سزا کے سلسلے میں دلائل سنے گی۔
واضح رہے کہ یہ معاملہ جھارکھنڈ کے گریڈیہ میں 1999 میں 'براہمڈیہ کوئلہ بلاک' مختص کرنے سے متعلق ہے۔
