نوئیڈا میں زیورات کی دوکان پر لوٹ، جوہری پر فائرنگ

دہلی کے نواضی علاقے نوئیڈا کو کمیشنریٹ بنانے کے بعد بھی جرائم کی شرح میں کوئی کمی نہیں آئی ہے۔ یہاں ہر آدمی اپنے آپ کو غیر محفوظ محسوس کرتا ہے۔

نوئیڈا میں اب کوئی ایسا دن نہیں گزرتا جس دن کوئی واردات انجام نہ دی گئی ہو، یہاں بدمعاش بے خوف و خطر وارداتوں کو انجام دے کر آسانی سے فرار ہو جاتے ہیں۔

جمعرات کے روز بدمعاشوں نے لوٹ کی ایک ور واردات انجام دی۔ بدلہ پور تھانہ کے علاقے میں چھپرولہ میں چند بدمعاشوں نے سر عام زیورات کی ایک دوکان لوٹنے کی کوشش کی۔

لیکن لوٹ کی واردات کو ناکام ہوتا دیکھ کر بدمعاشوں نے دکاندر سنی ورما پر گولی چلادی جسے مقامی لوگوں نے فوری طور پر اسپتال میں داخل کروایا۔

فی الحال صرافہ کاروباری سنی ورما کی حالت خطرے سے باہر بتائی جارہی ہے۔ پولیس نے کیس درج کرکے ملزموں کی تلاش شروع کردی ہے۔