نوئیڈا: جموں و کشمیر گولف اوپن بدھ کے روز یعنی7 ستمبر سے جموں توی گولف کورس میں شروع ہوگا جو 10 ستمبر تک جاری رہے گا۔ جموں و کشمیر میں پہلی بار پی جی ٹی آئی کی جانب سے گولف ٹورنامنٹ کا انعقاد کیا جارہا ہے۔ یہ ٹورنامنٹ کا دوسرا سیزن ہوگا۔ آخری بار سرینگر میں کھیلا گیا تھا۔ اس بار ٹورنامنٹ کی کُل انعامی رقم 40 لاکھ روپے ہے۔ jammu and kashmir golf open start on 7th september
بھارت کے سرفہرست پیشہ ور گولفرز میں اولمپیئن ادیان مانے، راشد خان، خلین جوشی، یوراج سنگھ سندھو، دفاعی چیمپئن ہنی بیسویا، منو گنڈاس، کرندیپ کوچر اور ارجن شرما شامل ہیں۔ غیر ملکی کھلاڑیوں میں سری لنکا کے متھن پریرا اور این تھنگاراجا کے علاوہ بنگلہ دیش کے جمال حسین کے نام نمایاں ہیں۔ جموں و کشمیر کے کھلاڑی مقامی چیلنج کی قیادت کریں گے۔ ان میں پیشہ ور پون پریہار، فیاض احمد لانگو، راگھو واہی، پون پریہار، محمد دین پودے کے ساتھ ساتھ شوقیہ کھلاڑی پربھنور سنگھ، ویدانت ہانڈا اور زبیر حسن زرگر شامل ہیں۔
انہوں نے کہا کہ ہم جموں و کشمیر کے دونوں خطوں میں گولف اور گولف ٹورازم کو فروغ دینا چاہتے ہیں۔ جو بین الاقوامی گولف کے نقشے پر مقامی صلاحیتوں کو اپنی مہارت دکھانے کا موقع میسر کرے گا۔ اس کے علاوہ یہ میگا ایونٹ جنوبی کشمیر کو ملک میں گول ف کے لئے ایک عام مرکز کے طور پر پیش کرنے کا بھی موقع ہے ۔یہ جموں کشمیر اوپن 2022 جموں کشمیر میں گولف کی سیاحت کو فروغ دینے کے لئے ہمارے مقاصد کا ایک اہم حصہ ہے۔ جموں و کشمیر کو شاندار گولف کورس جیسے رائل اسپرنگ گولف کورس سرینگر، پہلگام گولف کورس ،گل مرگ اور جموں توی گولف کورس سے نوازا گیا۔
یہ بھی پڑھیں:Nasha mukth bharat Abhiyan پلوامہ میں منشیات مخالف ریلی کا انعقاد
جموں توی گولف کورس کے سکریٹری مانو گپتا نے کہا کہ جموں و کشمیر اوپن 2022 جموں توی گولف کورس میں منعقد ہونے والے چند تاریخی ایونٹس میں سے ایک ہے۔ گولف کو یہاں بہت طویل سفر طے کرنا ہے۔ اتم سنگھ منڈی، سی ای او، پی جی ٹی آئی نے کہا کہ جموں و کشمیر اوپن کے دوسرے ایڈیشن کے ساتھ، ہم خود کو آگے بڑھانے کی کوشش کر رہے ہیں۔ ٹورنامنٹ کے ذریعے ہم ملک کے مختلف حصوں میں پیشہ ورانہ گولف کو فروغ دینے کے لئے کوشاں ہیں۔
