جامعہ ملیہ اسلامیہ کے طلباء شہری ترمیمی قانون اور این آر سی کے حوالے سے قومی یوم احتجاج مناتے ہوئے منڈی ہاؤس سے جنتر منتر تک مارچ نکال رہے ہیں۔
جامعہ رابطہ کمیٹی نے سب کو اس مارچ میں شامل ہونے کی اپیل کی ہے۔واضح رہے کہ اس سے قبل یہ مارچ وزیر داخلہ امت شاہ کی رہائش گاہ کرشنا مینن مارگ کے ذریعہ کیا جانا تھا ، لیکن اجازت نہ ملنے کی وجہ سے اب یہ جنتر منتر تک ہوگا۔
سی اے اے اور پولیس کارروائی کے خلاف مارچ
میں آپ کو بتاتا چلوں کہ جامعہ رابطہ کمیٹی کے ممبر محمد آصف نے سی اے اے اور این آر سی کے خلاف احتجاج کرنے مارچ پر کہا تھا کہ اس مارچ کے ذریعے وہ یہ پیغام دینا چاہتے ہیں کہ ملک کے عوام کو پولیس لاکھ دبانے کی کوشش کریں ، پر وہ پیچھے نہیں ہٹنے والے ہیں۔
مذید پڑھیں: مہنگائی کی مار، سبزی کی دکان سے خریدار غائب
انہوں نے کہا ہم ایسے لوگ ہیں جو گاندھی اور نہرو کے اصولوں پر چلتے ہیں۔ لہذا ، ہم اس فرقہ وارانہ سیاست کے خلاف بغیر کسی تشدد کے اپنی جدوجہد جاری رکھیں گے۔
واضح رہے کہ جامعہ کوآرڈینیشن کمیٹی نے عام لوگوں کے ساتھ ساتھ تمام طلباء ، تنظیموں اور بی جے پی مخالف سیاست دانوں سے بھی اس مظاہرے میں شرکت کی اپیل کی ہے۔
