جامعہ ملیہ اسلامیہ میں لڑکیوں 12 ویں میں لڑکیوں کی کامیابی کا فیصد 98.30 جبکہ لڑکوں کا 96.60 فیصد رہا۔
اس کے علاوہ 10 ویں جماعت میں بھی لڑکیوں نے سبقت برقرار رکھی۔
وہیں 12 ویں جماعت کے نتائج میں سائنس فیکلٹی میں ویبھو مشرا، کامرس میں سدرا حسن اور آرٹس فیکلٹی میں سید محمد خالد نے سرفہرست مقام حاصل کیا جبکہ 10 جماعت میں اینی علی نے 99.43 فیصد نمبرات حاصل کر کے ٹاپ پوزیشن حاصل کی۔
واضح رہے کہ جامعہ میں 12 جماعت کے امتحان میں 820 طلباء نے شرکت کی تھی جس میں 371 لڑکیاں اور 449 لڑکے تھے۔
اس امتحان میں 98.30 فیصد لڑکیوں نے جبکہ 96.60 فیصد لڑکوں نے کامیابی حاصل کی جبکہ اسکول کا مجموعی رزلٹ 97.80 فیصد رہا۔
اس کے علاوہ 10 ویں جماعت میں 633 طلباء امتحان میں شریک ہوئے جس میں 324 لڑکیاں اور 309 لڑکے تھے، اس میں سے 98.15 فیصد لڑکیاں جبکہ 96.12 فیصد لڑکوں نے کامیاب درج کی۔
نتائج ظاہر ہونے کے بعد یونیورسٹی کی وائس چانسلر نجمہ اختر نے طلباء کو مبارکباد پیش کی ہے۔
