دارالحکومت دہلی کے غالب انسٹی ٹیوٹ میں آج قرآن کوئز مقابلہ منعقد کیا گیا۔ اس اسلامک کوئز مقابلہ میں دہلی کے اسکول کے طلباء نے بڑی تعداد میں شرکت کی۔
یہ اسلامک کوئز مقابلہ اسماء عیسیٰ فاؤنڈیشن کے زیر انتظام عیسیٰ شفیق میموریل اسلامک کوئز کے بینر تلے منعقد کیا گیا ہے۔
اس دو روزہ کوئز مقابلہ میں دوسو سے زائد اسکولی طلباء نے شرکت کی۔ پہلے ان طلباء کے درمیان تحریری مقابلہ ہوا ، جس میں فاتح امیدواروں کو کوئز مقابلہ میں حصہ لینے کا موقع ملا۔
اس اسلامک کوئز مقابلہ کا مقصد بچوں کے درمیان مذہب اسلام سے متعلق معلومات کو مزید فروغ دینا ہے۔ موجودہ دور میں بچوں نے اپنے مذہب سے دوری اختیار کرلی ہے اور وہ دیگر کاموں میں مصروف گئے ہیں۔
اس طرح کے کوئز مقابلوں میں نہ صرف بچوں کی ذہنی نشونما میں مزید اضافہ ہوگا بلکہ ان کی معلومات میں بھی اضافہ ہوگا۔ بچوں کی نشونما اور ان کی ذہنیت کی پرورش کے لیے ان کا ماحول سب سے زیادہ کارآمد ثابت ہوتا ہے۔
