نئی دہلی: جامعہ ملیہ اسلامیہ کے جامعہ سینئر سیکنڈری اسکول (مارننگ شفٹ) اور مڈل اسکول ایک ساتھ مل کر 11 سے 18 سال کی عمر کے بچوں کے لیے 12 جون سے 26 جون 2023 تک ایک 15 روزہ انٹنسیو سمر کیمپ منعقد کریں گے۔ مشیر فاطمہ نرسری اسکول جامعہ ملیہ اسلامیہ بھی 4 سے 10 سال کی عمر کے بچوں کے لیے 15 جون سے 24 جون 2023 کے درمیان ایک 10 روزہ سمر کیمپ منعقد کر رہا ہے۔
کیمپ کے انعقاد کا مقصد گرمی کے بریک کے دوران اسکول کے طلبا کو صرف جامعہ کے اسکول سے نہیں بلکہ جامعہ کی سرحدوں سے پرے آباد لوگوں کی ضرورتوں کو پورا کرنے کی غرض سے انھیں سیکھنے کا موقع فراہم کرنا ہے۔ مختلف ذہنی صورت حال سے نمٹنے کے لیے مختلف سطحوں پر کیمپ کا انعقاد کیا جائے گا۔ سمر انٹنسیو کیمپ میں متعدد سرگرمیوں انجام پائیں گی جن سے طلبا سیکھیں گے پھر بھولیں گے اور دوبارہ سیکھیں گے اور اس طرح ہمہ جہت شخصیت بن کر ابھریں گے۔
شخصیت کے فروغ، انداز گفتگو کی مہارت،کھیل کود، مارشل آرٹس، زندگی کی مہارتیں، مسئلے کو حل کرنے کی صلاحیت اور غور و فکر کی صلاحیت، تھیٹر، آرٹس اور موسیقی کو دھیان میں رکھتے ہوئے طلبا کی ضررویات کے لحاظ سے مختلف سطحوں پر جملہ جامعہ نصاب تیار ہوگا۔ آ موزشی نتائج کو بہتر کرنے کی غرض سے مذاکراتی طریقہ تدریس، تجربہ اور گروپ اور جماعت میں سرانجام پانے والی سرگرمیاں بھی ان میں شامل ہوں گی۔
صلاحیتوں کے فروغ کے لیے اور اسکولی نصاب سے باہر مختلف علوم کی دریافت کے لیے مخصوص ورکشاپ بھی کرائے جائیں گے۔کیمپ کے شرکاء میں تخلیقیت، اختراع اور اکیسویں صدی کی مہارتوں کے فروغ پر زور ہوگا۔کیمپ میں شامل ماہرین اور پروفیشنل بطور مینٹر کام کریں گے اور طلبا کی رہنمائی کے ساتھ انھیں تحریک دیں گے۔ کیمپ کے دوران سر انجام پانے والی سرگرمیوں میں طلبا کلاس روم سے حاصل شدہ معلومات کا اطلاق حقیقی دنیا میں کریں گے اور اپنی ذہن و فکر کو وسعت دیں گے۔
مزید پڑھیں: اسلامک سمر کیمپ میں بہترین کارکردگی پیش کرنے والی خواتین و طالبات کو انعامات
جسمانی صحت، اشتراک اور سماجی ربط ضبط کو فروغ دینے کے لیے تفریح کے مشاغل جیسے کہ کھیل، آؤٹ ڈور مہمات، ٹیم سازی کی مشق اور تہذیبی و ثقافتی پروگرام بھی شامل ہوں گے۔ یونیورسٹی، عجائب خانہ اور آس پاس کے اہم مقامات کی سیر بھی کرائی جائے گی تاکہ ان کی تجرباتی آموزش بہتر ہوسکے۔ کیمپ میں اساتذہ اور مینٹرز ہر طالب علم کی ترقی پر نظر رکھیں گے تاکہ جہاں مزید بہتر کرنے کی گنجائش ہو وہاں وہ رہنمائی کرسکیں اور ان کی ہمہ جہت شخصیت کے فروغ میں اپنا رول ادا کرسکیں۔
کیمپ میں شامل ہونے والے ہر طالب علم سے 8 ہزار روپے بطور فیس لیے جائیں گے اور رجسٹریشن کی آخری تاریخ دس جون2023 ہے۔کیمپ جامعہ ملیہ اسلامیہ سینیئر سیکنڈری اسکول میں صبح نو بجے سے دوپہر بارہ بجے تک(تین گھنٹے) لگایا جائے گا۔
