نیشنل پاور لفٹنگ چیمپئن شپ پر ریلویز کا قبضہ

سینئر نیشنل پاور لفٹنگ چیمپئن شپ کے مرد اور خواتین زمرے میں ریلوے کی ٹیم نے چیمپئن خطاب اپنے نام کیا۔

ریلوے کے مطابق 17 فروری سے کوئیمبتور میں شروع ہونے والی چیمپئن شپ اختتام پذیر ہوئی۔جس میں انڈین ریلوے پاور لفٹنگ مینز اور ویمنز ٹیموں نے چیمپیئن شپ کا اعزاز حاصل کر لیا۔

مینز ٹیم نے 8 زمروں میں 4 گولڈ اور 1 سلور میڈلز حاصل کر کے چیمپیئن شپ جیتی جبکہ خواتین ٹیم نے 8 کیٹیگریز میں 5 گولڈ، 2 سلور اور 1 برونز میڈلز پر قبضہ کر کے چیمپین شپ کی مستحق بنی۔

انڈین ریلوے کے امن پریت سنگھ اور انگریج سنگھ نے مردوں کے زمرے میں جبکہ سمرن پریت کور نے خواتین کے زمرے میں قومی ریکارڈ کے ساتھ میڈلز جیتے۔