ٹی پی سرینواسن نے کورونا وائرس کے سلسلہ میں عالمی ادارہ صحت کی جانب سے منعقدہ اجلاس میں تائیوان کی شرکت پر چین کی رضا مندی کی امید ظاہر کی ہے۔
انہوں نے کہا کہ بھارت بھی تائیوان کو اجلاس میں شریک دیکھنا چاہتا ہے۔
سابق سفارتکار، تھنک ٹینک سینٹر فار پالیسی اینڈ ڈیولپمنٹ اسٹڈیز کی جانب سے بعنوان ’تائیوان مسئلہ کا ابھرنا اور اس کے بھارت پر اثرات‘ کے عنوان سے منعقدہ ایک ہفتہ واری ویبنائر سے خطاب کر رہے تھے۔
انہوں نے کہا کہ ساری دنیا پر کورونا کا قہر جاری ہے اور ایسے میں کسی بھی ملک کو نظرانداز نہیں کیا جانا چاہئے۔
سابق سفارتکار سرینواسن نے کہا کہ کووڈ وبا پر قابو پانے کے لیے بھارت نے شاندار مظاہرہ کیا ہے۔ انہوں نے مزید کہا کہ عالمی رہنماؤں کی جانب سے بھی اس سلسلہ میں بھارتی قیادت کی ستائش کی گئی ہے۔
انہوں نے امید ظاہر کی کہ چینی وزیراعظم کی جانب سے سخت فیصلے لئے جا سکتے ہیں جبکہ ان پر ملک پر کووڈ۔19 کو پھیلانے کا الزام عائد کیا جارہا ہے۔
ٹی پی سرینواسن نے کہا کہ امریکہ کی جانب سے کوویڈ معاملہ میں تحقیقات کرنے کےلیے چین پر دباؤ ڈالا جارہا ہے۔
سمینار میں آرگنائزر کے ایڈیٹر پرافولا کیٹکر نے کہا کہ تائیوان کو دنیا بھر میں پہچان مل رہی ہے ایسے میں کوویڈ مسئلہ پر منعقد ہونے والے اجلاس میں اسے شرکت کا موقع ملنا چاہئے۔
