آج انڈیا اتحاد کی میٹنگ میں سیٹوں کی تقسیم سمیت کئی معاملات زیر بحث آئیں گے

I.N.D.I.A alliance meeting in Delhi میٹنگ میں شرکت کے لیے انڈیا اتحاد کے کئی رہنما دہلی پہنچ چکے ہیں۔ ذرائع کا کہنا ہے کہ سیٹوں کی تقسیم، مشترکہ جلسہ عام کے انعقاد اور نئی حکمت عملی بنانے سمیت کئی امور زیر بحث آئیں گے۔ دوسری طرف اپوزیشن گروپ پورے سرمائی اجلاس کے بائیکاٹ کا اعلان کر سکتا ہے۔

نئی دہلی: حزب اختلاف کے اتحاد 'انڈین نیشنل ڈیولپمنٹل انکلوسیو الائنس' (انڈیا) کے اتحادی جماعتوں کے اہم رہنماؤں کی میٹنگ آج (19دسمبر) کو دہلی میں ہونے جارہی ہے، جس میں سیٹوں کی تقسیم، مشترکہ عوامی میٹنگوں کا انعقاد اور نئی حکمت عملی بنانے سمیت کئی امور پر غور کیا جائے گا۔ اگلے لوک سبھا انتخابات سے متعلق اہم امور پر بات چیت ہوگی۔ پیر کو 78 ارکان پارلیمان کی معطلی کے خلاف احتجاج کرتے ہوئے اپوزیشن گروپ پورے سرمائی اجلاس کے بائیکاٹ کا اعلان کر سکتا ہے۔ یہ میٹنگ حال ہی میں ختم ہوئے اسمبلی انتخابات میں کانگریس کی خراب کارکردگی کے پس منظر میں ہو رہی ہے۔ راجستھان، چھتیس گڑھ اور مدھیہ پردیش کے اسمبلی انتخابات میں کانگریس کو شکست کا سامنا کرنا پڑا ہے۔

ذرائع کا کہنا ہے کہ اس ملاقات میں بنیادی طور پر مثبت ایجنڈا طے کرنے، سیٹوں کی تقسیم، نئی حکمت عملی بنانے اور مشترکہ جلسہ عام پر بات چیت کا امکان ہے۔ یہ میٹنگ دہلی کے اشوکا ہوٹل میں ہوگی۔ میٹنگ سے پہلے ترنمول کانگریس کی سربراہ اور مغربی بنگال کی وزیر اعلیٰ ممتا بنرجی نے کہا کہ انڈیا اتحاد کے وزیر اعظم کے امیدوار کا فیصلہ 2024 کے لوک سبھا انتخابات کے بعد کیا جائے گا۔ یہ پوچھے جانے پر کہ کیا انڈیا اتحاد سیٹوں کی تقسیم جیسے مسائل پر کارروائی کرنے میں تاخیر کر رہا ہے، ممتا بنرجی نے کہا، 'دیر آئے درست آئے۔'

• Centre bulldozing federal structure: Mamata Banerjee in Delhi
  
  Read @ANI Story | https://t.co/TU77OdQF8Q#MamataBanerjee #Centre #FederalStructure #TMC pic.twitter.com/qDft6s5jmz

  — ANI Digital (@ani_digital) December 18, 2023 " class="align-text-top noRightClick twitterSection" data="

  Centre bulldozing federal structure: Mamata Banerjee in Delhi
  
  Read @ANI Story | https://t.co/TU77OdQF8Q#MamataBanerjee #Centre #FederalStructure #TMC pic.twitter.com/qDft6s5jmz

  — ANI Digital (@ani_digital) December 18, 2023

  ">

  Centre bulldozing federal structure: Mamata Banerjee in Delhi
  
  Read @ANI Story | https://t.co/TU77OdQF8Q#MamataBanerjee #Centre #FederalStructure #TMC pic.twitter.com/qDft6s5jmz

  — ANI Digital (@ani_digital) December 18, 2023

بہار کے نائب وزیر اعلیٰ اور راشٹریہ جنتا دل لیڈر تیجسوی یادو نے یہاں نامہ نگاروں کو بتایا کہ اتحاد کی جو کمیٹیاں پہلے بنائی گئی تھیں وہ پردے کے پیچھے کام کر رہی تھیں اور انتخابات کی تیاریاں کی جا رہی تھیں۔ یادو نے کہا کہ اپوزیشن گروپ میں ہر کوئی اپنا کردار ادا کرے گا۔ انہوں نے زور دے کر کہا کہ علاقائی جماعتیں بہت مضبوط ہیں۔ آر جے ڈی لیڈر نے کہا، 'جہاں علاقائی پارٹیاں ہیں، بی جے پی کہیں نظر نہیں آتی۔ زیادہ تر علاقائی پارٹیاں انڈیا اتحاد کے ساتھ ہیں۔ انڈیا اتحاد میں بہار کے وزیر اعلی نتیش کمار کے مستقبل کے رول کے بارے میں پوچھے جانے پر یادو نے کہا کہ سب کا کردار برابر ہے اور سب کا مقصد ایک ہی ہے جو کہ تقسیم کرنے والی طاقتوں کو اقتدار سے بے دخل کرنا ہے۔ جنتا دل (یو) کے سرکردہ لیڈر نتیش کمار اور شیوسینا (یو بی ٹی) کے سپریمو ادھو ٹھاکرے میٹنگ کے لیے پیر کی شام قومی دارالحکومت پہنچے۔

کانگریس کے ایک سینئر لیڈر نے کہا کہ وزیر اعظم نریندر مودی کا مقابلہ کرنے کے لیے اپوزیشن پارٹیاں اتحاد کو برقرار رکھتے ہوئے 'میں نہیں، ہم' کے نعرے کے ساتھ آگے بڑھنے کا ارادہ رکھتی ہیں۔ انہوں نے کہا کہ اپوزیشن جماعتوں کے سامنے اب چیلنج یہ ہے کہ وہ اگلے عام انتخابات میں بی جے پی کا مقابلہ کرنے کے لیے ایک متبادل مثبت ایجنڈا لے کر آئیں۔

ذرائع کا کہنا ہے کہ انڈیا اتحاد ذات پات کی بنیاد پر مردم شماری، ایم ایس پی کی قانونی ضمانت اور کارکنوں کے لیے سماجی تحفظ کے مسائل کو سامنے رکھ سکتا ہے۔ 26 اپوزیشن جماعتوں نے اگلے لوک سبھا انتخابات میں بھارتیہ جنتا پارٹی (بی جے پی) کی قیادت والے نیشنل ڈیموکریٹک الائنس (این ڈی اے) کا مقابلہ کرنے کے لیے 'آئی این ڈی آئی اے' اتحاد بنایا ہے۔ اب تک اس اتحاد کی تین میٹنگیں پٹنہ، بنگلورو اور ممبئی میں ہو چکی ہیں۔