نئی دہلی: ملک میں فعال معاملوں میں مسلسل اضافہ ہو رہا ہے اور گزشتہ 24 گھنٹوں میں کورونا انفیکشن کے 467 فعال معاملوں میں اضافہ ہوا اور اس وبا کی وجہ سے گزشتہ 24 گھنٹے کے دوران چار مریضوں کی موت واقع ہوئی ہے۔ دریں اثنا، ملک میں کورونا ویکسینیشن جاری ہے اور اس سلسلے میں گزشتہ 24 گھنٹوں میں 7,673 افراد کو ویکسینیشن کی گئی ہے۔ ملک میں اب تک 220 کروڑ 65 لاکھ 21 ہزار 180 افراد کو ٹیکے لگائے جا چکے ہیں۔ بدھ کو وزارت صحت کے جاری کردہ اعداد و شمار کے مطابق، فعال کیسز کی تعداد بڑھ کر 7,026 ہو گئی ہے۔ ملک میں متاثرہ افراد کی کل تعداد 4,46,98,118 ہو گئی ہے۔ اس کے ساتھ ہی مرنے والوں کی تعداد بڑھ کر 5,30,813 ہو گئی ہے۔ اسی عرصے میں کورونا انفیکشن سے صحت یاب ہونے والوں کی تعداد 662 بڑھ کر 4,41,60,279 تک پہنچ گئی ہے۔
مہاراشٹر میں گزشتہ 24 گھنٹوں کے دوران ملک میں سب سے زیادہ 125 فعال کیسز میں اضافہ دیکھا گیا ہے۔ اس کے علاوہ گجرات میں 106، دہلی 61، کیرالہ 52، تمل ناڈو 39، ہماچل پردیش 25، راجستھان 20، گوا 16، ہریانہ 14، اتراکھنڈ نو، کرناٹک آٹھ، آندھرا پردیش اور اڈیشہ میں پانچ پانچ، جموں و کشمیر کے مرکز کے زیر انتظام علاقے اور جھارکھنڈ میں چار چار، میگھالیہ، سکم اور اتر پردیش میں بالترتیب ایک ایک معاملہ اور بہار، چنڈی گڑھ اور پنجاب میں دو دو معاملے سامنے آئے ہیں جبکہ چنڈی گڑھ، دہلی، گجرات اور مہاراشٹر میں ایک ایک مریض کی کورونا کی وجہ سے موت ہوئی ہے۔
یہ بھی پڑھیں: Covid Cases in UP یوپی میں کووڈ کیسز کی تعداد 100 سے تجاوز
یو این آئی
