آئی آئی ٹی دہلی کے طلباء نے ایک اینٹی مائکروبیل ماسک تیار کیا ہے جس میں تین پرت کے فلٹر تیار کیا گیا ہے۔ اس کی خصوصیت یہ ہے کہ یہ سستی قیمت پر نہ صرف بیکٹیریا اور وائرس سے بچائے گا بلکہ پسینے، مٹی، گرد اور نمی سے بھی راحت دے گا۔
وہیں اسے بنانے والے طالب علم سورج پونیا نے بتایا کہ 'اس عالمی وبا کے دوران ماسک لگاکر باہر نکلنا لازمی کردیا گیا ہے تاکہ انفیکشن کا خطرہ نہ ہو، لیکن تمام ماسک وائرس کو روکنے کے قابل نہیں ہیں۔ انہوں نے کہا کہ 'وائرس اور بیکٹیریا عام طور پر کم قیمت والے روئی کے ماسک میں پھنس جاتے ہیں، جبکہ این 95 جیسے ماسک اتنے مہنگے ہوتے ہیں کہ ان کو خریدنا سب کے بس کی بات نہیں ہوتی ہے۔ ایسی صورتحال میں انہوں نے حفاظت کے تمام معیارات کو مدنظر رکھتے ہوئے ماسک بنایا ہے، جو سستی قیمت پر بہتر تحفظ دینے کی اہلیت رکھتا ہے۔
اسی دوران سورج نے بتایا کہ 'اس نے اس ماسک کو 'ابھے' کا نام دیا ہے۔ یہ ٹرپل لیئر ماسک ہے جو بیکٹیریا یا وائرس سے دوچار ہونے پر غیر فعال ہوجاتا ہے۔ اس کے علاوہ اس کی فٹنگ ایسی ہے کہ یہ ہر سائز کے چہرے پر فٹ ہو جاتا ہے اور اسے لگانے پر دم بھی نہیں گھٹتا۔
وہیں سورج نے مزید کہا کہ 'جہاں مارکیٹ میں این 95 جیسے ماسک مہنگے داموں پر دستیاب ہیں، لیکن یہ اینٹی مائکروبیل ماسک بازار سے صرف 49 روپے میں خریدا جاسکتا ہے۔ صرف اس کی قیمت وصول کی جارہی ہے تاکہ ہر طبقے کے لوگ یہ ماسک خرید سکیں۔
