دارالحکومت دہلی میں انلاک کے عمل کے ساتھ ہی کورونا سے متاثرہ کیس میں بھی اضافہ ہورہا ہے۔ وہیں دہلی حکومت نے اگلے ایک ماہ میں متاثرہ مریضوں کی تعداد لاکھوں میں ہونے کا خدشہ ظاہر کیا ہے۔ اگر اگلے ایک ہفتہ میں صورتحال بہتر نہیں ہوئی تو دہلی میں ایک بار پھر سخت لاک ڈاؤن نافذ کیا جاسکتا ہے۔
دہلی کے وزیر اعلی اروند کیجریوال اور مرکزی وزیر داخلہ امت شاہ کی بدھ کی شام ہوئی ملاقات میں بھی اس پر تبادلہ خیال کیا گیا۔ امت شاہ سے ملاقات کے بعد اروند کیجریوال نے ٹوئیٹ کیا اور اس کے بارے میں معلومات دی۔ انہوں نے کہا کہ 'کورونا وائرس کے بڑھتے ہوئے انفیکشن کے بارے میں تفصیلی بات چیت ہوئی ہے۔
کورونا انفیکشن کے دور میں جس طرح دوسری ریاستوں کے لوگوں کو دہلی میں علاج کی اجازت دی گئی ہے، دہلی حکومت کی تشویش بڑھ گئی ہے۔ تاہم اروند کیجریوال نے کہا کہ 'وبائی مدت کے دوران مرکزی حکومت کے تمام فیصلے درست ہیں۔
کورونا وائرس سے ہونے والے انفیکشن کو روکنے کے لیے ملک بھر میں لاک ڈاؤن کے دوران انفکشن کم پھیل گیا تھا۔ لیکن جیسے ہی اسے کھولنے کا عمل شروع ہوا انفیکشن پھیلنا شروع ہوگیا۔ حکومت کا کہنا ہے کہ 'کورونا وائرس ابھی ختم نہیں ہونے والا ہے۔ کاروباری سرگرمیاں بند ہونے کی وجہ سے حکومت اور عوام دونوں کے سامنے ایک بڑا معاشی بحران پیدا ہوسکتا ہے۔
