امریکی میڈیا کے مطابق ریاست اوریگن میں 5 کروڑ سے زائد افراد ویدر الرٹ پر ہیں جبکہ نیویارک میں اسکول بند ہو چکے ہیں اور ڈکوٹا سے مشی گن تک مختلف حصوں میں 12 انچ تک برف پڑ چکی ہے۔
امریکی میڈیا نے بتایا کہ برف باری کے باعث ملک بھر میں 800 پروازیں منسوخ ہو چکی ہیں جبکہ ساڑھے 6 ہزار پروازیں تاخیر کا شکار بھی ہوگئی ہیں۔
برفانی طوفان کی وجہ سے ٹیکساس میں چھوٹا طیارہ ائیر پورٹ پر گر کر تباہ ہونے سے 3 افراد ہلاک ہو گئے جبکہ نیویارک کے شہر بفیلو میں برف کے باعث طیارہ رن وے پر پھسل گیا۔
ریاست میری لینڈ میں دھندکے باعث حد نگاہ کم ہونے سے ہائی وے پر 25 گاڑیاں آپس میں ٹکرا گئیں۔
موسم کی صورتحال کو مدنظر رکھتے ہوئے شکاگو کی نیشنل ویدر سروس نے ٹوئٹ کے ذریعہ شہریوں کو احتیاط برتنے کی ہدایت کرتے ہوئے دھند میں کم بیم کی ہیڈلائٹس استعمال کرنے کے ساتھ اپنی آگے والی گاڑی سے فاصلہ رکھنے کی ہدایات جاری کر دیں۔
