بلال احمد بھٹ کا کہنا ہے کہ انہیں بغیر کسی وجہ کے حکام نے ملیشیا جانے سے روک دیاگیا۔ انہوں نے کہا کہ جب انہیں دہلی ایئرپورٹ پر روک دیا گیا تو وہ اپنے آپ کو مجرم کی طرح محسوس کر رہے تھے۔
واضح رہے کہ اس سے قبل کشمیری صحافی اور قلمکار گوہر گیلانی کو جرمنی میں ایک کانفرنس میں شرکت کے لیے جرمنی جانے کی اجازت نہیں دی گئی تھی۔
وہ جرمنی کی مشہور میڈیا تنظیم ڈچ ویلی کے ایک پروگرام میں شامل ہونے کے لیے جرمنی جانے والے تھے۔
غور طلب ہے کہ ستمبر ماہ کی شروعات میں جموں و کشمیر پیپلز مومنٹ کے سربرا شاہ فیصل کو بھی ملک سے باہر جانے سے روک دیا گیا تھا۔ وہ امریکہ کے بوسٹن جانے والے تھے لیکن ان کو دہلی کے اندرا گاندھی انٹرنیشنل ہوائی اڈے پر روک دیا گیا۔
واضح رہے کہ جموں وکشمیر کو خصوصی درجہ حاصل دفعہ 370 کی منسوخی کے بعد سے وادی میں موبائل فون اور انٹرنٹ خدمات پر پابندی عائد کی گئی تھی اور ریاست کو دو حصوں میں تقسیم کرنے کے اعلانات کیے گئے ہیں۔ اگرچہ جموں اور لداخ صوبوں میں یہ پابندیاں مرحلہ وار طریقے سے ہٹائی گئیں، تاہم کشمیر میں یہ پابندیاں ابھی تک جزوی یا کلی طور عائد ہیں۔
