راشٹرپتی بھون میں ہولی ملن کی تقریب نہیں ہوگی

ملک میں خطرناک کورونا وائرس سے متاثر 22 نئے معاملے سامنے آنے کے ساتھ ہی اب تک 28 معاملوں کی تصدیق ہونے کے بعد اس بار راشٹرپتی بھون میں ہولی ملن کی تقریب نہیں ہوگی۔

کورونا وائرس کے بڑھتے معاملوں کے پیش نظر اس بار راشٹرپتی بھون میں بھی احتیاط کے طور پر روایتی ہولی ملن تقریب نہیں ہو سکے گی۔ صدر جمہوریہ رام ناتھ کووند نے ٹویٹ میں یہ جانکاری دی۔

صدر جمہوریہ رام ناتھ کووند نے ٹوئٹ میں یہ جانکاری دی

انہوں نے کہا کہ 'چوکسی اور حفاظتی تدابیر کے ساتھ ہم کورونا وائرس کے انفیکشن کے بڑھتے قہر سے بچنے میں مدد کر سکتے ہیں۔ احتیاط کے طور پر راشٹرپتی بھون اس بار روایتی ہولی ملن تقریب نہیں منائے گا'۔