ہماچل پردیش میں پچھلے 24 گھنٹوں کے دوران شملہ ضلع میں دو مختلف سڑک حادثات میں اسسٹنٹ فاریسٹ گارڈ سمیت دو افراد ہلاک اور پانچ دیگر زخمی ہوگئے۔
پولیس نے بتایا کہ روہڈو سب ڈویژن میں چڑگاؤں سے تقریباً دوکلومیٹر دور لنک روڈ پربدھ-منگل کی نصف شب کار کے گہری کھائی میں گرنے سے اس میں سوار ایک نوجوان کی موت ہوگئی جبکہ اس کے پانچ دیگر ساتھی زخمی ہوگئے۔ ہلاک ہونے والے کی شناخت چڑگاؤں کے رہائشی نتیش کمار(19)کی شکل میں کی گئی ہے۔ زخمی امن، ابھے، راگھو، ریتک اور راجن کو ہسپتال میں داخل کرایا گیا ہے۔
وہیں دوسرے حادثہ میں بدھ دیرشام ٹالینڈ کے نزدیک سڑک پر پیدل جارہے اسسٹنٹ فاریسٹ گارڈ پون کمار(43)اسٹیٹ ٹرانسپورٹ کارپوریشن کی بس کی زد میں آںے سے سنگین طور سے زخمی ہوگئے۔ اسے یہاں آئی جی ایم سی ہسپتال میں داخل کرایا گیا جہاں دیرشب اس کی موت ہوگئی۔ پون سولن میں فاریسٹ ڈپارٹمنٹ میں تعینات تھا۔ پولیس نے اس تعلق سے معاملہ درج کرلیا ہے۔
