ملک کے دارالحکومت دہلی کے نگم بودھ شمشان گھاٹ کے قریب ایک تیز رفتار آئسر ٹیمپور نے ایک اسکوٹی سوار کو زبردست ٹکر مار دی۔ٹیمپو کی رفتار اتنی زیادہ تیز تھی کہ وہ بے قابو ہو کر فٹ پاتھ پر چڑھ گیا، جس نے فٹ پاتھ پر سو رہے تین لوگوں کو کچل دیا۔
اس حادثے میں ایک شخص کی موت واقع ہوگئی، جبکہ دو لوگ شدید طور پر زخمی ہوگئے ہیں۔مرنے والے کی پہچان اسکوٹی سوار بہرام خان کے طور پر ہوئی ہے، جو مٹیا محل علاقے کا رہائشی ہے۔تمام زخمیوں کو آئی ایس بی ٹی ٹراما سینٹر میں داخل کرایا گیا ہے، جہاں ان کا علاج کیا جارہا ہے۔
حادثے کی اطلاع ملتےہی پولیس پٹرولنگ ٹیم نے فوری طور پر جائے وقوع پر پہنچ کر ٹیمپو کے ڈرائیور عتیق احمد کو گرفتار کر ٹیمپو کو اپنے قبضے میں لے لیا ہے
