دارالحکومت دہلی میں صبح سے ہی بارش ہو رہی ہے۔ اس موسلا دھار بارش کی وجہ سے دہلی کے متعدد علاقے تالاب میں تبدیل ہو گئی ہے۔
وہیں راج گھاٹ کے قریب سڑک مکمل طور پر تالاب میں تبدیل ہو گئی ہے۔ اس کی وجہ سے خاص کر دو پہیوں والی گاڑیوں کو کافی پریشانیوں کا سامنا کرنا پڑ رہا ہے۔
ساتھ ہی راج گھاٹ پاور اسٹیشن کے سامنے پوری سڑکیں مکمل طور پر پانی میں ڈوب چکی ہے۔ سڑک تالاب میں تبدیل ہو جانے کی وجہ سے لوگ اپنی موٹر سائیکل اور اسکوٹی بس اسٹینڈ کے سامنے کھڑی کر رہے ہیں۔
یہ بھی پڑھیں: 'پرنب مکھرجی کی صحت میں بہتری کے اشارے'
وہیں ایک شخص نے بتایا کہ وہ دفتر جارہے تھے کہ اچانک پانی کے جماؤ کی وجہ سے اسکوٹی خراب ہوگئی۔ جس کے سبب یہیں پھنسے ہوئے ہیں۔
اس سلسلے میں لوگوں کا کہنا ہے کہ شدید بارش کی وجہ سے انہیں وقت پر دفتر پہنچے میں دشواری پیش آرہی ہے۔
واضح رہے کہ گزشتہ کچھ دنوں میں یہ کئی بار دیکھا گیا، جب چند گھنٹوں کی بارش کے بعد دہلی مکمل طور پر ڈوب گیا۔
