دہلی این سی آر میں موسلادھار بارش، کئی علاقے زیرِآب

گروگرام اور فریدآباد میں صبح سے ہی بارش کا سلسلہ جاری ہے۔ بارش کے بعد لوگوں کو گرمی سے راحت ملی۔ لگاتار بارش سے کئی علاقوں میں پانی جمع ہوگیا ہے۔

جگہ جگہ سڑکوں پر کئی فٹ تک پانی بھر گیا ہے۔ اس درمیان فریدآباد، گروگرام اور دہلی میں ٹریفک جام ہے، پانی جمع ہونے سے لوگوں کو مشکلات کا سامنا کرنا پڑ رہا ہے۔

گزشتہ 24 گھنٹے میں اوسطاً 7.3 ملی میٹر بارش ریکارڈ کی گئی، گروگرام میں سب سے زیادہ 95 ملی میٹر بارش ہوئی۔ اس سے پورا شہر پانی پانی ہوگیا ہے، سڑکوں پر کاریں ڈوب گئیں، لوگ ناؤ کی سواری کرتے ہوئے دکھائی دیے۔

محکمۂ موسمیات کے مطابق بیس اگست کو بھی کئی علاقوں میں موسلادھار بارش ہو سکتی ہے۔