قومی دارالحکومت دہلی میں اب وائلد لائف کے تحت آنے والے چڑیا گھر کے تمام جنگلی جانوروں کے علاج میں آسانی کے لیے ہیلتھ کارڈ بنایا جائے گا جس میں عمر، بلڈ گروپ، فوڈ اسٹائل، طرز عمل اور بیماریوں سمیت بہت سی معلومات ہوں گی۔
واضح رہے کہ اگر آپ ڈاکٹر کے پاس جاتے ہیں تو آپ کے پاس اکثر ایک ہیلتھ کارڈ ہوتا جس میں تمام بیماریاں لکھی ہوتی ہیں اور جب بھی آپ کو علاج کی ضرورت ہوتی ہے آپ اسی کارڈ کو لے کر ڈاکٹر کے پاس جاتے ہیں، اسی طرز پر اب وائلڈ لائف کے تحت آنے والے تمام جانوروں کا ہیلتھ کارڈ بنایا جائے گا۔
ذرائع سے موصولہ اطلاعات کے مطابق چڑیا گھر کی انتظامیہ نے جنگلی جانوروں کا ہیلتھ کارڈ بنانے کے لیے ایک انوکھی پہل کی ہے۔
واضح رہے کہ چڑیا گھر انتظامیہ جنگلی جانوروں کی زندگی اور صحت کو بہتر بنانے کے لیے مستقل کوشش کر رہا ہے، اور ان جانوروں کو قدرتی ہوا میں ٹہلنے کے لیے طویل وقت تک پنجرے سے باہر گھومنے کے لیے چھوڑا جارہا ہے، اور اب ان کی صحت کا سارا ریکارڈ بھی رکھا جارہا ہے۔
اس بارے میں چڑیا گھر انتظامیہ کے ایک سینیئر افسر نے بتایا کہ اگر کسی بھی جنگلی جانور کی زندگی اور صحت سے متعلق کوئی مسئلہ ہے تو ڈاکٹرز کو اس کے معارفت تمام معلومات جاننے میں آسانی ہوتی ہے۔
انہوں نے کہا کہ اسی بات کو دھیان میں رکھتے ہوئے چڑیا گھر انتظامیہ نے فیصلہ کیا ہے کہ ہر جانور جو وائڈ لائف کے تحت آتے ہیں، ان کا ہیلتھ کارڈ بنایا جائے گا۔
