یوم اساتذہ 2019، ڈاکٹر سروپلی رادھا کرشنن کی 131 ویں یوم پیدائش کی مناسبت سے منایا جارہا ہے ۔ ڈاکٹر رادھا کرشنن انتہائی یقین رکھتے تھے کہ اساتذہ ملک کے بہترین سرمایہ ہوتے ہیں۔
اس دن تمام لوگ اپنے استاد، اساتذہ کے ساتھ محبت اور احترام کا اظہار کرتے ہیں۔ اور اساتذہ کو گلاب کا پھول اور تحائف پیش کرتے ہیں۔اسکولوں میں پروگرام ہوتے ہیں ۔
اصل میں 'یوم اساتذہ' منانے کی شروعات 1962 سے ہوئی جب ڈاکٹر سروپلی رادھا کرشنن بھارت کے دوسرے صدر بنے تب سے یوم اساتذہ ان کی سالگرہ کے موقع پر منایا جانے لگا۔
یوم اساتذہ کا مقصد طلبا کی زندگی کو تشکیل دینے میں اساتذہ کی شراکت کی قدر کرنا ہے۔ یوم اساتذہ ان تمام اساتذہ، گرووں اور سرپرستوں کے لئے وقف ہے جو اپنے طلبا کو بہتر انسان بننے کی رہنمائی کرتے ہیں ، جیسا کہ ڈاکٹر سروپلی رادھا کرشنن نے اپنے دور میں کیا تھا۔
