یروشلم: 235 ہندوستانی شہریوں کا دوسرا قافلہ 'آپریشن اجے' کے تحت جمعہ کو بحفاظت ہندوستان پہنچ چکا ہے۔ آپریشن اجے کے اس دوسرے قافلے میں دو شیر خوار بچے بھی شامل ہیں، جو اسرائیل چھوڑنے کے خواہشمند تھے۔ وزیر خارجہ ایس جے شنکر نے گذشتہ روز ایکس پر ایک پوسٹ میں کہا کہ " 235 ہندوستانی شہریوں پر مشتمل فلائٹ نمبر 2 تل ابیب سے روانہ ہوئے۔" یہ دوسری فلائٹ فلسطینی عسکریت پسند گروپ حماس کے ساتھ اسرائیل کے بڑھتے ہوئے تنازع کے درمیان 212 ہندوستانیوں کو باہر نکالے جانے کے ایک دن بعد آئی ہے۔
ہندوستان کی جانب سے جمعرات کو 'آپریشن اجے' شروع کیا گیا تاکہ 7 اکتوبر کو غزہ سے حماس کے اسرائیلی قصبوں پر حملوں کے بعد وطن واپسی کے خواہشمند افراد کی واپسی کی سہولت فراہم کی جا سکے، جس سے غیر مستحکم علاقوں میں تازہ کشیدگی پیدا ہوگئی۔
دریں اثناء اسرائیل میں ہندوستانی سفارت خانے نے آج ایکس پر کہا کہ '#آپریشن اجے کی دوسری پرواز 235 ہندوستانی شہریوں کو لے کر تل ابیب سے دہلی کے لیے روانہ ہوئی ہے۔ دوسری کھیپ کی پرواز نے مقامی وقت کے مطابق رات 11.02 بجے اڑان بھری۔ انہوں نے کہا کہ ہندوستانی شہریوں کا اسرائیل سے انخلاء کل بھی جاری رہے گا۔ "سفارت خانے نے خصوصی پرواز کے لیے اگلی کھیپ میں جانے والے رجسٹرڈ ہندوستانی شہریوں کو ای میل بھی کردیا ہے۔ بعد کی پروازوں میں جانے والے دیگر رجسٹرڈ لوگوں کو پیغامات بھیجے جائیں گے"۔
-
#OperationAjay
— Dr. S. Jaishankar (@DrSJaishankar) October 13, 2023 " class="align-text-top noRightClick twitterSection" data="
Flight #2 carrying 235 Indian nationals takes off from Tel Aviv. pic.twitter.com/avrMHAJrT4
">#OperationAjay
— Dr. S. Jaishankar (@DrSJaishankar) October 13, 2023
Flight #2 carrying 235 Indian nationals takes off from Tel Aviv. pic.twitter.com/avrMHAJrT4#OperationAjay
— Dr. S. Jaishankar (@DrSJaishankar) October 13, 2023
Flight #2 carrying 235 Indian nationals takes off from Tel Aviv. pic.twitter.com/avrMHAJrT4
بار الان یونیورسٹی کے ایک ریسرچ اسکالر سوریہ کانت تیواری نے 'آپریشن اجے' کے لیے ہندوستانی حکومت سے تشکر کا اظہار کیا ہے۔ اور کہا کہ "میں واقعی میں حکومت ہند کا شکریہ ادا کرنا چاہتا ہوں کہ انہوں نے ہمیں اسرائیل میں جنگی صورتحال سے نکالا... ہماری حکومت نے 'آپریشن اجے' کے تحت ہمیں ایسی صورتحال سے نکالا ہے"۔
-
The second flight of #OperationAjay carrying 235 Indian nationals has departed from Tel Aviv to Delhi 🛫🌍. @indemtel wishes everyone on board a safe journey. 🇮🇳@MEAIndia pic.twitter.com/8cpoCls03I
— India in Israel (@indemtel) October 13, 2023 " class="align-text-top noRightClick twitterSection" data="
">The second flight of #OperationAjay carrying 235 Indian nationals has departed from Tel Aviv to Delhi 🛫🌍. @indemtel wishes everyone on board a safe journey. 🇮🇳@MEAIndia pic.twitter.com/8cpoCls03I
— India in Israel (@indemtel) October 13, 2023The second flight of #OperationAjay carrying 235 Indian nationals has departed from Tel Aviv to Delhi 🛫🌍. @indemtel wishes everyone on board a safe journey. 🇮🇳@MEAIndia pic.twitter.com/8cpoCls03I
— India in Israel (@indemtel) October 13, 2023
اسرائیل سے ہندوستانی شہریوں کی واپسی کے لیے پہلی چارٹر پرواز جمعرات کی شام بین گورین ہوائی اڈے سے روانہ ہوئی اور جمعہ کی صبح قومی دار الحکومت نئی دہلی پہنچی۔ جس میں جنگ سے متاثرہ علاقوں میں رہنے والے ایک شیر خوار بچے سمیت 211 افراد سوار تھے۔ مسافروں کا انتخاب "پہلے آؤ پہلے پاؤ" کی بنیاد پر کیا گیا تھا جس کے بعد ہندوستانی سفارت خانے نے تمام ہندوستانی افراد کو مشن کے ڈیٹا بیس میں رجسٹر کرنے کے لیے مہم شروع کی تھی۔ ان کی واپسی کا خرچہ حکومت برداشت کر رہی ہے۔
مزید پڑھیں: حماس اسرائیل جنگ: غزہ کو فلسطینیوں سے خالی کرانے کی سازش؟
اسرائیل میں تقریباً اٹھارہ ہزار سے زائد ہندوستانی شہری رہ رہے ہیں اور کام کر رہے ہیں جن میں مختلف کام کرنے والے افراد، طلباء، کئی آئی ٹی پروفیشنلز، اور ہیروں کے تاجر شامل ہیں۔ جنگ سے متاثرہ اسرائیل سے ہندوستانی شہریوں کا انخلاء ضروری ہوگیا تھا جسے اب ایک بے مثال حملہ قرار دیا گیا ہے۔
حماس کی جانب سے ہفتے کے روز اسرائیل پر کئی محاذوں پر حملہ کیا گیا جس کے بعد اسرائیل نے بھی غزہ پٹی پر حملہ کیا۔ دو طرفہ کاروائی میں ڈھائی ہزار سے زائد افراد ہلاک، ہزاروں افراد زخمی ہوئے ہیں۔
