دارالحکومت دہلی کے اندرا گاندھی بین الاقوامی ہوائی اڈے پر، کسٹم ڈپارٹمنٹ کی ٹیم نے ایک مسافر کو گرفتار کرکے اس کے پاس سے 805 گرام سونا کے چار کٹ پیس بسکٹ بھی ضبط کیا۔
کسٹم ڈپارٹمنٹ کے جوائنٹ کمشنر نرنجن سی سی نے بتایا کہ 'گرفتار مسافر جدہ سے بھارت آیا تھا۔
دہلی اندرا گاندھی بین الاقوامی ہوائی اڈے پر پہنچنے کے بعد جب مسافر کی کسٹم ڈپارٹمنٹ کے آفیسر نے اس کی اور اس کے سامان کی تلاشی لی تو انہیں سونے کے بسکٹ کے 4 ٹکڑے ملے۔ جس کی قیمت 30 لاکھ 82 ہزار روپے سے زیادہ ہے۔
کسٹم ڈپارٹمنٹ کے مطابق سونے کی کٹ پیس بسکٹ کو مسافر نے اپنے ٹراؤزر میں چھپا رکھا تھا۔
گرفتار مسافر کے خلاف دفعہ 110 کسٹم ایکٹ کے تحت کارروائی کی جارہی ہے۔
