وزیراعظم نریندر مودی کی صدارت میں ہونے والی مرکزی کابینہ کی میٹنگ میں اس سلسلے میں ایک تجویز کو منظوری دی گئی۔
میٹنگ کے بعد اطلاعات و نشریات کے وزیر پرکاش جاوڈیکر نے اخباری کانفرنس میں بتایا کہ 14 برس تک کے بچوں کے ساتھ جنسی زیادتی جیسے وحشیانہ جرائم کے قصورواروں کو موت کی سزا دینے کے لیے پاکسو ایکٹ میں ترمیم کی جائے گی۔
اس کے علاوہ اس ایکٹ میں بچوں کی فحش تصویر کشی (چائلڈ پورنوگرافی) پر بھی زبردست جرمانہ اور سزا کا التزام ہوگا۔
جادڈیکر نے کہا کہ قدرتی آفات کے وقت بچوں کے خصوصی حقوق کا تحفظ کرنے اور ان کا استحصال روکنے کے لئے توضیعات بھی ایکٹ میں شامل کی جائیں گی۔ اس کے علاوہ بچوں کو نشہ آور دوائیں دینے کو ممنوع کرنے کے لئے اس ایکٹ میں ترمیم کی جائے گی۔
