چھوٹی صنعتوں کے مرکزی وزیر نتن گڈکری نے آج کہا کہ 'حکومت نے خود روزگار اور روایتی صنعتوں کی حوصلہ افزائی کے لئے اسفورتی انڈسٹری کلسٹر قائم کرنے کا ہدف مقرر کیا ہے۔
روایتی صنعتوں کو فروغ دینے کے لئے اسفورتی اسکیم کے بارے میں دو روزہ ورکشاپ کا افتتاح کرتے ہوئے گڈکری نے کہا کہ 'ہر ضلع میں کھادی گرام ادھوگ اور گرام صنعت کی شاخ ہونی چاہئے اور ان کے کل کاروبار کو موجودہ 88000 کروڑ سے بڑھا کر پانچ لاکھ کروڑ روپے کردیا جانا چاہئے۔
اس موقع پر مرکزی وزیر مملکت پرتاپ چندر شڈنگی بھی موجود تھے۔ توقع ہے کہ ورکشاپ میں 400 کے قریب تنظیموں کی شرکت ہوگی۔ ورکشاپ میں آن لائن بھی شرکت کی جاسکتی ہے۔
انہوں نے کہا کہ 'روزگار کے مواقع اور آسانی سے زندگی گزارنے کی بنیاد پر تمام اسکیموں کا جائزہ لیا جانا چاہئے۔
شڈنگی نے کہا کہ 'خود انحصار بھارت کا ہدف حاصل کرنے کے لئے صنعتی پیداوار میں اضافہ کرنے کی ضرورت ہوگی۔ ہر گاؤں میں انڈسٹری کلسٹرز لگائے جائیں۔ اس کے لئے مستقل سائنس کا استعمال کرنا چاہئے جس سے ہر ایک کو فائدہ ہوگا۔
انہوں نے کہا کہ پی ای پی کے تحت 394 صنعتی کلسٹر قائم کیے جاسکتے ہیں، جن میں سے 93 میں کام جاری ہے۔ حکومت نے 970.28 کروڑ روپے کی مالی مدد کی ہے اور اس سے 2.34 لاکھ افراد مستفید ہوئے ہیں۔ اس میں ہینڈلوم ، دستکاری، کھادی، ملبوسات، ناریل ریشہ، بانس، زرعی پروسیسنگ اور شہد کی صنعتیں شامل ہیں۔
