Odisha Train Incident مال بردار ٹرین ویٹنگ ہال سے ٹکرا گئی، دو افراد ہلاک

اڈیشہ کے جاج پور میں مال بردار ٹرین پٹری سے اترنے کے بعد ویٹنگ ہال سے ٹکرا گئی جس سے دو افراد کی موت ہوگئی جب کہ متعدد افراد زخمی ہوئے ہیں۔ Odisha Train incident

جاج پور: جاج پور: اڈیشہ میں ایسٹ کوسٹ ریلوے کے تحت بھدرک کپیلاس سیکشن کے کورائی اسٹیشن پر پیر کی صبح ایک مال گاڑی کے حادثہ کاشکار ہوجانے سے کم از کم دو افراد ہلاک اور کچھ دیگر زخمی ہو گئے ریلوے کی باضابطہ اطلاع کے مطابق کھردہ روڈ ڈویژن کے تحت صبح 6 بجکر 44 منٹ پر ٹرین کے پٹری سے اترنے کے باعث ویگن گرنے سے ریلوے اسٹیشن کی عمارت کو نقصان پہنچا ہے اور دونوں جانب سے ٹریک پر ٹریفک بلاک ہوگئی ہے۔

ہلاک اور زخمی ہونے والوں کی شناخت ابھی تک نہیں ہو سکی ہے۔ جبکہ ای سی او آر نے دو اموات کی تصدیق کی ہے، ہلاکتوں میں اضافہ ہونے کا اندیشہ ہے۔ اطلاع ملتے ہی پولیس، آر پی ایف اور فائر بریگیڈ کے عملے نے موقع پر پہنچ کر امدادی کارروائی شروع کی۔ زخمیوں کو جاج پور کمیونٹی ہیلتھ سینٹر (CHC) میں داخل کرایا گیا ہے۔ Odisha Train incident