آج شام راجناتھ سنگھ کی قیام گاہ پر منعقد ہونے والے وزرا گروپ کے اجلاس میں وزیر داخلہ امت شاہ، وزیر خزانہ نرملا سیتارمن، وزیر ریلوے پیوش گوئل، وزار زراعت نریندر سنگھ تومر کے علاوہ دیگر وزرا شرکت کریں گے۔
اندرون ایک ہفتہ اس طرح کا یہ دوسرا اجلاس ہے جبکہ قبل ازیں 18 مئی کو وزرا گروپ کا اجلاس منعقد ہوا تھا۔
امکان ہے کہ اس اہم اجلاس میں 20 لاکھ کروڑ روپئے کے معاشی پیاکیج کے روڈ میاپ پر تبادلہ خیال کیا جائے گا۔
سرکاری ذرائع کے مطابق اجلاس میں اقتصادی مشکلات کے سلسلہ میں مختلف شعبہ حیات سے حاصل کردہ تجاویز پر وزرا غور و خوص کریں گے جبکہ حتمی رپورٹ پی ایم او کو روانہ کی جائے گی۔
