گوتم بدھ نگر کے سی ایم او کورونا سے متاثر

عالمی وبا کوروناوائرس کے پھیلاؤ کا سلسلہ جاری ہے اسی ضمن میں گوتم بدھ نگر کے سی ایم او کے کوروناوائرس سے مثبت پائے جانے کے بعد سنسنی پھیل گئی ہے۔

قومی دارالحکومت دہلی سے متصل گوتم بودھ نگر میں سی ایم او کو کوروناوائرس ہونے کے بعد انہیں ہسپتال میں داخل کیا گیا۔

گوتم بودھ نگر کے چیف میڈیکل آفیسر (سی ایم او) ڈاکٹر دیپک اوہری کا کوڈ۔19 رپورٹ مثبت پائی گئی ہے، انہیں آئی سولسیشن وارڈ میں داخل کرایا گیا ہے۔

واضح رہے کہ ان کی جگہ ڈاکٹر نیپال سنگھ کو سی ایم او کی ذمہ داری سونپی گئی ہے، سی ایم او متاثرہ ہونے کے سبب ضلع انتظامیہ اور محکمہ صحت فکر مند ہیں۔

عالمی وبا کوروناوائرس کے پھیلاؤ کا سلسلہ جاری ہے اسی ضمن میں گوتم بدھ نگر کے سی ایم او کے کوروناوائرس سے مثبت پائے جانے کے بعد سنسنی پھیل گئی ہے

ڈسٹرکٹ سرویلنس آفیسر ڈاکٹر سنیل دوہر نے بتایا کہ سی ایم او ڈاکٹر دیپک اوہری میں بیماری (آئی ایل آئی) جیسے انفلوئنزا کی علامات ہیں، اس کے بعد ان کا کووڈ۔19 ٹیسٹ کرایا گیا، جس میں انہیں مثبت پایا گیا ہے۔

انہوں نے بتایا کہ ڈاکٹر اوہاری کو آئی سولیشن وارڈ میں داخل کرایا گیا ہے، جہاں ان کی صحت مستحکم ہے۔

ڈسٹرکٹ مانیٹرنگ آفیسر نے کہا کہ سی ایم او کو کوروناوائرس سے مثبت پائے جانے کے بعد گوتم بودھ نگر کے سی ایم او کی ذمہ داری ایڈیشنل چیف میڈیکل آفیسر ڈاکٹر نیپال سنگھ کو سونپی گئی ہے۔

انہوں نے بتایا کہ پروٹوکول کے مطابق سی ایم او آفس کا سینٹائزیشن کیا جارہا ہے۔