قومی دارالحکومت دہلی کے دوارکہ سیکٹر 16 کی جے جے کالونی کے مین روڈ کے کنارے پڑے ہوئے کچرے کو کسی نے نذر آتش کردیا۔
کچرے کے ڈھیر میں آگ
واضح رہے کہ یہ آگ ایک بڑے حصے میں لگائی گئی ہے، جس کی وجہ سے یہ دھواں نہ صرف دوارکہ کی جے جے کالونی میں بلکہ پورے سیکٹر 16 میں پھیل رہا ہے۔
دارالحکومت دہلی میں جہاں حکومت اور انتظامیہ ہوا میں بڑھتی ہوئی آلودگی کو روکنے کے لیے مختلف اقدامات کررہی ہےوہیں دہلی کے عوام اب بھی لاپرواہی برت رہی ہے، جس کی وجہ سے دوسرے لوگوں کو بھی پریشانیوں سامنا کرنا پڑرہا ہے۔
اہم بات یہ ہے کہ حکومت نے دہلی کے عوام کو دیوالی کے موقع پر پٹاخے نہ جلانے کا حکم دیا تھا، لیکن دہلی کے عوام نے اس ہدایت کو نظر انداز کیا اور خوب پٹاخے جلائے جس کی وجہ آلودگی میں اضافے اضافہ ہوا۔
