دہلی سکھ گرودوارہ پربندھک کمیٹی کے صدر منجندر سنگھ سرسا نے بتایا کہ دہلی کے مختلف گرودواروں سے لنگر پکا کر مذہب، ذات، فرقہ میں امتیاز کے بغیر تمام مسافروں کو ان کے سفر کے دوران ضرورت کے مطابق پیکٹ تقسیم کیا جائے گا اور اگر کوئی مسافر اضافی پیکٹ کا مطالبہ کرے گا، اسے اضافی پیکٹ بھی مفت دستیاب کرایا جائے گا۔
اس غذا کی تقسیم کا نظم، نئی دہلی، پرانی دہلی، نظام الدین آنند وہار اور ان تمام ریلوے اسٹیشنوں پر کیاجائے گی جہاں سے نقل مکانی کرنے والے مزدوروں کی ریل گاڑیاں ان کے مطلوبہ مقامات پر چھوڑیں گی۔
انہوں نے کہا کہ یہ کھانا دیگر ریاستوں سے چلنے والی ٹرینوں جو کہ دہلی سے ہوکر گزرے گی، کے مسافروں کو بھی دستیاب کرایا جائے گا۔
سرسا نے بتایا کہ دہلی سکھ گرودوارہ پربندھک کمیٹی کے سیوادار تمام ریلوے اسٹیشنوں کے گراؤنڈ اسٹاف سے تال میل قائم کرکے متعلقہ اسٹیشن پر نزدیکی گردوارے کے لنگر سے تازہ، غذائیت سے بھرپور اور گرم کھانے کے پیکٹ پیش کریں گے تاکہ ریل مسافروں کی کھانے کی ضروریات کو مناسب وقت پر مکمل کیا جا سکے۔
