اس کے باوجود طلبہ اور طالبات نے اس کا حل ڈھونڈ لیا اور فٹ پاتھ پر ایک مطالعہ گاہ کھول دیا، اس لائبریری میں کتابیں، مجلات اور خبارات سب دستیاب ہیں۔
اس انوکھے مطالعہ گاہ کے لئے لوگ کتابیں بھی ہدیہ کر رہے ہیں، مشہور مصنفہ اروندھتی رائے نے اپنی تمام تصنیفات حال ہی میں اس لائبریری کو عطیہ کیا ہے۔
یہ لائبریری نما مطالعہ گاہ صبح سے شام تک کھلی رہتی ہے، جہاں بچوں کے علاوہ ہر عمر کے لوگ کتابوں کا مطالعہ کرتے ہیں۔
کہا جاتا ہے کہ ہنگامی صورت حال میں لوگوں کی تخلیقی صلاحیت بڑھ جاتی ہے۔ 'فٹ پاتھ پر لائبریری کا تصور اور عملی اقدام' اسی تخلیقی سوچ کا آئنہ دار ہے۔
مزید ٖپڑھیں : سی اے اے کے خلاف احتجاج کو ارون دھتی رائے کی حمایت
فٹ پاتھ پر لائبریری شروع کرنے کا مقصد ان طلبہ و طالبات کے لئے آسانی فراہم کرانا ہے جو جامعہ میں شہریت (ترمیمی) قانون 2019 کے خلاف مظاہرہ کر رہے ہیں اور فرصت کے موقع میں کچھ پڑھنا چاہتے ہیں۔
گزشتہ روز جامعہ کی آرٹ فیکلٹی میں سی اے اے کے خلاف احتجاج کرنے والے طلبا کی حمایت میں ممتاز مصنفہ و سماجی کارکن اروندھتی رائے، معروف ماہر اقتصادیات پروفیسر ارون کمار اور بالی وڈ کے سنجیدہ اداکار ذیشان ایوب پہنچے اور طلبا کی حوصلہ افزائی کی۔
