آپ کو بتا دیں کہ 15 دسمبر کو سی اے اے اور این آر سی کے خلاف جامعہ ملیہ اسلامیہ کے طلبا کے مظاہرے کے دوران تشدد ہوا تھا اور بسوں میں توڑ پھوڑ اور آتشزدگی کا واقعہ پیش آیا تھا، جس کے بعد پولیس نے کارروائی کرتے ہوئے لاٹھی چارج اور آنسو گیس کے گولے داغے تھے تب پولیس پر الزام عائد ہوا تھا کہ پولیس نے گولی چلائی ہے لیکن پولیس نے گولی چلنے کی بات سے انکار کیا تھا۔ اسی معاملے پر نیا انکشاف ہوا ہے۔
موصولہ اطلاعات کے مطابق پولیس نے اس واقعے کے بعد ایک داخلی کمیٹی اس پورے معاملے کی جانچ کے لیے تشکیل کی تھی، اسی کمیٹی میں یہ بات سامنے آئی ہے کہ تشدد کے دوران پولیس کے ذریعے گولی چلائی گئی تھی، حالانکہ ابھی تک اس کی سرکاری طور پر تصدیق نہیں ہو پائی ہے۔
غورطلب ہے کہ جامعہ ملیہ اسلامیہ کے طلبا کے ذریعے سی اے اے اور این آر سی کا مظاہرہ لگاتار جاری ہے حالانکہ اس دوران یونیورسٹی کو پانچ جنوری تک کے لیے بند کیا گیا تھا۔ جو اب چھ جنوری سے کھلنے جا رہی ہے۔
