قومی دارالحکومت دہلی کے علاقہ لارنس روڈ پر واقع تین فیکٹریوں گذشتہ شب بھیانک آتشزدگی ہوئی، جس میں لاکھوں کا ملکیت جل کر خاکستر ہوگئی۔
بتایا جا رہا ہے کہ 'جوتوں کی فیکٹری، اناج گودام اور گتے کی فیکٹری میں آگ لگی ہے۔
دہلی کے صنعتی علاقے میں ایک فیکٹری آگ لگنے کے بعد جلد ہی تین فیکٹریوں میں بھی آگ لگ گئی۔
وہیں رات دس بجے کے قریب فائر بریگیڈ کو آتشزدگی کی اطلاع دی گئی۔
فائر اسٹیشن قریب ہونے کی وجہ سے فائر بریگیڈ کی گاڑیاں چند منٹ میں ہی آگ پر قابو پانے کے لئے موقع پر پہنچ گئیں، تاہم آگ نے تین کارخانوں کو اپنی لپیٹ میں لے لیا تھا۔
وہیں فیکٹریوں میں رکھا سامان مکمل طور پر خاک ہو چکا ہے۔ اس آگ میں لاکھوں کے نقصان کی توقع کی جارہی ہے۔
یہ بھی پڑھیں: بنگلہ دیش: مسجد میں دھماکہ، 13 نمازی ہلاک
فی الحال دو درجن سے زائد فائر انجن موقع پر پہنچ چکے ہیں اور مشقتوں کے بعد آگ پر قابو پا لیا گیا ہے۔
