فیکٹری میں آگ سے جھلسے شخص کی شناخت مشکل

دہلی میں جوتے فیکٹری میں لگی آگ میں جھلسے شخص کی شناخت مشکل ہو رہی ہے بتایا جا رہا ہے کہ آگ اتنی شدید تھی کہ اسے بجھانے میں پورے بارہ گھنٹے لگے

دہلی کے نریلا علاقےمیں جوتے کی فیکٹری میں آگ لگنے کی وجہ سے ایک کی موت ہوگئی, محکمہ فائر بریگیڈ نے اس بات کی اطلاع دی۔
اس حادثے میں مرے شخص کی لاش کی شناخت نہیں ہوسکی ہے۔ ایک مقامی ذرائع نے بتایا کہ لاش اتنی جل گئی ہے کہ اس بات کی تصدیق نہیں ہوپارہی ہے کہ مرنے والا شخص مرد ہے یا خاتون۔

اطلاع کے مطابق آگ اتنی سخت تھی جسے بجھانے میں تقریبا پورے 12 گھنٹے لگے

فائر بریگیڈ کی 21 گاڑیاں جائے واقع پر پہنچ گئی تھیں۔ واقعہ کی وجہ سے عمارت کو خاصہ نقصان پہنچا ہے۔ آگ لگنے کی وجوہات کا فی الحال کوئی علم نہیں ہے۔