نئی دہلی: کڑکڑڈوما کورٹ میں اتوار کی علی الصباح آتشزدگی ہوئی۔ تو وہیں موقع پر پہنچی فائر بریگیڈ کی بارہ گاڑیوں نے دو گھنٹے کی مشکت کے بعد آگ پر قابو پایا۔ عدالت میں رکھے سامان سمیت دستاویزات جل کر راکھ ہو گئے۔
آگ لگنے کی صحیح وجہ معلوم نہیں ہو سکی ہے۔ بتایا جا رہا ہے کہ آگ شارٹ سرکٹ کی وجہ سے لگی کیونکہ صبح سویرے کمرے میں کوئی نہیں تھا۔ اس معاملے میں تفتیش کی جا رہی ہے۔
فائر ڈپارٹمنٹ کے مطابق اتوار کی صبح 3:23 بجے کڑکڑڈوما کورٹ روم نمبر 52 میں آگ لگی تھی۔ آگ زیادہ لگنے کی وجہ سے ایک ایک کرکے 12 گاڑیاں آگ بجھانے کے لیے وہاں پہنچ گئیں۔ دو گھنٹے کی کوشش کے بعد صبح تقریباً 5 بجے آگ پر مکمل طور پر قابو پالیا گیا۔ جس کمرے میں آگ لگی وہ ایڈیشنل سیشن جج منجوشا وادھوا کی عدالت ہے۔ اس کمرے میں رکھے تمام سامان خاکستر ہو گئے۔
