کسانوں کی ٹریکٹر پریڈ میں کسانوں اور پولیس کے درمیان تصادم ہوا۔ دہلی میں کئی جگہ پر تصادم کے ویڈیو سامنے آئے ہیں۔ ٹریکٹر پریڈ کے دوران کئی جگہ ہنگامہ ہوا۔
اس معاملے میں دہلی پولیس کی جانب سے کسانوں کے خلاف دیگر تھانہ میں 22 ایف آئی آر درج کرائی گئی ہے۔
دہلی پولیس کے اعلی افسر نے بتایا کہ ٹریکٹر ریلی میں تشدد کے تعلق سے پانڈو نگر، غازی پور، سیماپوری، کوتوالی، اتم نگر، نظف گڑھ اور بابا ہری داس تھانہ میں کسانوں کے خلاف 22 ایف آئی آر درج کی گئی ہے۔ اس میں سرکاری املاک کو نقصان پہنچانا، سرکاری کام میں خلل ڈالنا اور پولیس پر حملے کرنا جیسی دفعات شامل ہیں۔
یہ بھی پڑھیں: کسانوں کی ٹریکٹر ریلی: دن بھر میں کیا خاص رہا
پولیس کے مطابق کسانوں کی جانب سے منگل کو دہلی کے دیگر علاقوں میں 88 بیریکیڈ، چار کرین، آٹھ ڈی ٹی سی بس اور 17 نجی گاڑیاں توڑی گئیں۔ دوارکہ ضلع میں 30 پولیس اہلکار زخمی ہوئے ہیں۔
دہلی پولیس نے کہا کہ 72ویں یوم جمہوریہ کے موقع پر تصادم کی جانچ کی جا رہی ہے۔ آس پاس لگے سی سی ٹی وی کیمروں کی فوٹیج دیکھی جا رہی ہے، جس سے ملزمین کی شناخت کی جا سکے اور ان کے خلاف ایف آئی آر درج کی جا سکے۔
